Nesër është afati i dytë i regjistrimeve në shkolla, ja sa vende ka të lira

Në shkollat e mesme të Maqedonisë nesër dhe pasnesër do të jetë afati i dytë i regjistrimit të nxënësve për vitin shkollor 2013/2014. Sipas Ministrisë së Arsimit, pas afatit të parë, tashmë ka vende të lira për 20.523 nxënës.

Nga kjo shifër 13.177 janë për mësimin në gjuhën maqedonase, 6.480 për mësim në gjuhën shqipe, 804 në gjuhën turke, 33 në gjuhën serbe dhe 29 vende për përsëritës. Numri më i madh i nxënësve ka mundësi për regjistrim në shkollat profesionale, 14.890 mijë vende, ndërsa në gjimnaze 5.611 vende.

Në afatin e parë të regjistrimit janë regjistruar 13.137 nxënës. Këtë vit arsimin fillor kanë përfunduar 22.900 nxënës, ndërsa Ministria ka shpallur konkursin për 34.971 vende të lira.