Publikon pagën, ankohet për jetën e shtrenjtë në NY, shkarkohet

Wade Groom, nga Brooklyn i New York-ut, tha për mediat se thjesht “kishte shprehur frustrimin e tij” me koston e lartë të jetesës në New York, jo me Lacoste në veçanti, kur kishte publikuar një foto të zmadhuar të pagës së tij. 

“Kam arritur të bëj deri në 1500 dollarë shitje në javë, duke shitur bluza, por nuk kam mundur t’u jap fëmijëve të mi një jetesë më të mirë, edhe pse po punoj jashtëzakonisht shumë”, tha ai për një gazetë, duke shpjeguar se merrte 15 dollarë për orë dhe një shtesë prej 3% komision, gjatë periudhës 3-mujore të tij si i punësuar.

Sipas dokumenteve të publikuara në Mail Online nga Groom, ai ishte shitësi kryesor në dyqan, duke shitur plot 39,315 dollarë, vlera e mallrave, në javën e tij më të suksesshme në punë.

Megjithatë, pavarësisht suksesit të tij si shitës i zellshëm, ai kuptoi se paga e tij nuk mjaftonte të mbështeste ish-gruan e tij dhe binjakët 4-vjeçarë në qytetin e shtrenjtë të New York-ut.

Vetëm 2 javë pasi kishte publikuar foton e pagës së tij, menaxheri i burimeve njerëzore të Lacoste, e informoi atë se kompania do ta shkarkonte, sepse fotoja shkeli marrëveshjen e tyre të konfidencialitetit.  /tch