Besimi: Nga kamata do të varet nga sa do të jetë euroobligacioni

Ministria e Financave është e gatshme që të hyjë menjëherë në tregun ndërkombëtar me emetimin e euroobligacionit, sapo të përfundojë në Kuvend procedura e përzgjedhjes së ministrit të Drejtësisë, theksoi ministri i Financave Fatmir Besimi, i ftuar në emisionin 24 Analiza, transmeton Portalb.mk.

Maqedonia ishte e obliguar të huazojë 600 milion euro përmes euroobligacioneve me një normë interesi vjetor prej 6.25 % dhe një maturim 4 -vjeçar, por e njëjta u shty sepse ish -Ministri i Drejtësisë Nikolla Tupançeski nuk nënshkroi para se të jepte dorëheqjen. Një ministër i ri tani do të presë për një ankand të ri.

Duke sqaruar procedurën përtë cilën do të përsëritet ankandi për emetimin e euroobligacionit, tha se ky është mësim për të ardhmen dhe paralajmëroi se do të propozohen ndryshime ligjore, me të cilat mendimi nuk do të nënshkruhet vetëm nga ministri i Drejtësisë, por që mund të nënshkruhet edhe nga një anëtar tjetër i Qeverisë.

“Pas përzgjedhjes së ministrit të ri të Drejtësisë, ne jemi përgatitur të marrim pjesë në treg në ditën e nesërme, varësisht nga vlerësimet e bankave të cilat do të tregojnë se cilat pozicionet janë të duhura. Edhe transaksioni i ardhshëm do të zhvillohet me sukses. Investitorët treguan interes që të aplikojnë sërish. Ne emetojmë produkt të njohur, nuk vonojmë me pagesat dhe ky fakt është i njohur për ata. Nuk ekzistojnë kosto të reja për përsëritjen e procedurës, ndërsa interesi përcaktohet nga tregu”, theksoi ministri Besimi.

Maqedonia duhej të emetojmë euroobligacion prej 600 milionë eurove për t’i paguar detyrimet ndaj vendeve të jashtme, përkatësisht euroobligacionin që maturon në muajin qershor prej 450 milionë eurove dhe interesin për të prej rreth 30 milionë eurove, si dhe huatë e tjera që maturohen ndaj vendeve të jashtme.