Bullgaria do të shkojë sërish në zgjedhje të reja
Për herë të pestë brenda dy vjetësh, bullgarët sërish duhet të shkojnë në kutitë e votimit për të zgjedhur qeverinë e re. Socialistët pranuan, se nuk arritën të gjenin dot partnerë për të krijuar koalicionin qeveritar, transmeton Dojçe Vele.
Në fillim të javës, presidenti bullgar, Rumen Radev kishte ngarkuar me detyrën e krijimit të qeverisë së re, Partinë Socialiste. Sipas kushtetutës së vendit, mandati për krijimin e qeverisë së re mund të jepet vetëm tre herë. Kryetarja e Partisë Socialiste, Kornelia Ninova pranoi se nuk mundi të gjente në parlament shumicën e nevojshme. “Kemi kërkuar për një zgjidhje, për të nxjerrë vendin nga shumë kriza dhe stanjacioni politik”, por kësaj nuk ia dolëm, tha Ninova. Kjo do t’i bëhet e ditur zyrarisht presidentit bullgar në një takim të martën.
Me këtë dështoi edhe mundësia e fundit për krijimin e qeverisë pas zgjedhjeve të tetorit 2022. Presidenti Radev tani duhet të vendosë, se kur duhet ta shpërndajë parlamentin, dhe të vendosë një datë për zgjedhje të reja, që duhet të zhvillohen brenda dy muajsh pas shpërndarjes së parlamentit. Zgjedhjet në tetor 2022 nuk krijuan dot shumica të qarta politike në vend. Aktualisht Bullgaria qeveriset nga një kabinet teknokratësh. Para socialistëve ishte partia fituese e zgjedhjeve, GERB një parti e qendrës së djathtë, e cila nuk arritit dot krijimin e qeverisë. Në parlamentin bullgar janë të përfaqësuara shtatë parti, me dallime e grindje të mëdha politike.
Fushata e fundit zgjedhore në Bullgari nuk u përcaktua nga një temë qendrore, korrupsioni, por nga lufta në Ukrainë dhe furnizimet e pasigurta të gazit. Bullgaria është e lidhur historikisht dhe kulturalisht me Rusinë. Sulmi rus kundër Ukrainës ka lënë gjurmë të mëdha në vend dhe e polarizon ndjeshëm shoqërinë bullgare.
- LEXO: Radev ia dorëzoi mandatin e dytë qeverisës partisë së ish-kryeministrit bullgar Kirill Petkov
- LEXO: Protesta kundër fletëve të votimit, ndryshon kodi zgjedhor në Bullgari
- LEXO: Kuvendi bullgar hodhi poshtë propozimin për qeverinë e Gabrovskit
- LEXO: Ish kryeministri bullgar po përpiqet të formojë koalicion anti-Putin
- LEXO: U publikuan rezultatet përfundimtare të zgjedhjeve në Bullgari, fituesja GERB thuajse nuk ka gjasa të formojë qeveri
- LEXO: Borisov në kërkim të koalicionit, hoqi dorë nga posti i kryeministrit
- LEXO: Bojko Borisov kryeson në zgjedhjet në Bullgari, formimi i qeverisë do të jetë i vështirë
- LEXO: Petkov dhe Vasilev pranuan humbjen në zgjedhjet e sotme në Bullgari
- LEXO: Në më pak se dy vjet Bullgaria mban zgjedhjet e katërta