U pranuan në Komision tre propozime në lidhje me ndërtimin e paneleve solare, Ligji për Ndërtim do të kalojë me procedurë të shkurtuar

Përfundoi seanca e Komisionit Kuvendor për transport, lidhje dhe ekologji, në të cilën sot janë dorëzuar amendamentet për Popozim-ligjin për ndryshime dhe plotësime të Ligjit për Ndërtime, i cili me propozim të Qeverisë po futet në procedurë të shkurtuar.

Në seancë, siç informoi kryetari i Komisionit Vllado Misajlovski, janë pranuar tre amendamente, një nuk është pranuar, 12 janë tërhequr dhe pesë janë miratuar nga komisioni.

Në seancë mori pjesë edhe ministri i Transportit dhe Lidhjeve Bllagoj Boçvarski.

Ndryshimet parashikojnë procedura të thjeshtësuara për ngritjen e centraleve fotovoltaike. Ndryshimet janë për të zbutur pasojat e krizës energjetike, me të cilën qytetarët dhe komuniteti i biznesit do të jenë në gjendje të krijojnë kushtet më të shpejta dhe më të favorshme të termocentraleve fotovoltaike për prodhimin e energjisë elektrike.

Ndryshimet e propozuara parashikojnë që termocentralet fotovoltaike mund të instalohen në objekte në pronësi individuale deri në 6 kilovat dhe nga të gjitha subjektet konsumatore-prodhuese deri në 40 kilovat.

Ligji i ri parashikon thjeshtësimin e procedurave dhe është thelbësore që qytetarët të mos kenë nevojë për zgjidhje nga komuna për instalimin e termocentraleve fotovoltaike.