Euro ka rënë në nivelin më të ulët ndaj dollarit në dy dekada, analistët presin rënie të mëtejshme

Euro tregtohet me nivelin më të ulët të dy dekadave prej 0.9903 kundrejt dollarit këtë mëngjes, me analistët që parashikojnë se valuta e përbashkët evropiane do të vazhdojë të bjerë, transmeton Portalb.mk.

“Vlerësimet tona, tregtitë tona dhe pozicioni ynë synojnë patjetër një zhvlerësim të mëtejshëm të euros nga ku është tani”, tha Luis Costa i Citibank.

Ka disa faktorë në lojë kur krahasojmë euron dhe dollarin, të dy të prekur nga lufta në Ukrainë dhe inflacioni në rritje në të dy rajonet.

Çmimet e gazit u rritën ndjeshëm në Evropë dje pasi Rusia tha se do të kishte një shërbim të paparalajmëruar paraprakisht në tubacionin e saj kryesor të gazit Nord Stream për në Gjermani.

Krahas kësaj, analisti Costa thotë se duhet të merret parasysh ngadalësimi i ekonomisë kineze, diçka që prek më shumë Evropën sesa SHBA-në. Kina nuk i arriti pritshmëritë e rritjes së PBB-së dhe kishte rritje me vetëm 0.4 për qind në tremujorin e dytë të vitit.