Bideni ftoi Kinën e Rusinë të negociojnë mbi kontrollin e armëve bërthamore
Presidenti i SHBA-së Joe Biden i ka bërë thirrje Rusisë dhe Kinës që të fillojnë negociatat për kontrollin e armëve bërthamore, duke theksuar se Moska duhet të tregojë përgjegjësi të veçantë pas pushtimit të Ukrainës, raporton Koha.net.
“Rusia duhet të tregojë se është e gatshme të vazhdojë të punojë për kontrollin e armëve bërthamore”, tha Biden.
“Por negociatat kërkojnë një partner të vendosur dhe me vullnet të mirë. Agresioni bruto dhe i paprovokuar rus kundër Ukrainës ka prishur paqen në Evropë dhe është një sulm ndaj parimeve themelore të rendit ndërkombëtar”, shtoi ai.
