Kush dëshiron që Ukrainës t’i jepet statusi i kandidatit për në BE?
Që kur Rusia pushtoi Ukrainën, kërkesa nga Kievi për t’u futur në Bashkimin Evropian mori jehonë nëpër kryeqytetet e bllokut. Çështja nëse do t’i jepet vendit ‘statusi kandidat’, hapi i parë i madh në rrugën e gjatë dhe gjarpëruese drejt anëtarësimit në BE, pritet të jetë në agjendën e liderëve të shteteve anëtare përpara përfundimit të presidencës franceze të Këshillit më 1 korrik, shkruan Euractiv.
Por deri më tani, ka pak konsensus se si duhet të duket hapi i parë i Ukrainës. Presidenti Volodymyr Zelenskyy madje shkoi aq larg sa tha se Ukraina “nuk ka nevojë për alternativa ndaj kandidaturës në BE”.
“Ne nuk kemi nevojë për kompromise”, u tha Zelenskyy gazetarëve në Kiev gjatë një konference të përbashkët shtypi me kryeministrin portugez Antonio Costa javën e kaluar.
Fjalët mbështetëse për të ardhmen e Ukrainës në BE janë të shumta, statusi i kandidatit shpesh (me qëllim) ngatërrohet me anëtarësimin e plotë, komentet mbështetëse shmangin afatet kohore dhe paralajmërimet se kapërcimi i pjesëve të politikës labirintike të zgjerimit të BE-së janë të shumta.
Në hartën e mëposhtme, rrjeti EURACTIV vëren se cilat kryeqytete janë të gatshme të mbështesin dhënien e statusit të kandidatit të Kievit në BE në të ardhmen e afërt.
Vetëm tetë vende janë mbështetëse pa kushte.
EURACTIV nuk bëri supozime në lidhje me opinionin e ardhshëm të Komisionit për këtë çështje. Vendet, mbështetja e të cilave për dhënien e statusit të kandidatit Ukrainës varet nga një vlerësimi pozitiv (p.sh. Spanja) nga Komisioni, janë shënuar si “ngurrues”.
Një logjikë e ngjashme u ndoq për vendet që në parim kanë mbështetur statusin e kandidatit, por hezitojnë të bashkëngjisin një afat kohor të menjëhershëm si fundi i qershorit (p.sh. Portugalia).
Si Sllovenia ashtu edhe Hungaria shprehën mbështetje për dhënien e statusit të kandidatit Ukrainës sa më shpejt të jetë e mundur në fillim të luftës. Megjithatë, pas zgjedhjeve që panë një ndryshim në qeveri në Lubjanë dhe marrëdhëniet gjithnjë e më të tensionuara midis Budapestit dhe Kievit, pozicioni i tyre aktual është i paqartë.