Protestë para Gjykatës Penale për aktgjykimin e aksidentit në “City Mall”: “Drejtësi për Viktorian”
Para Gjykatës Themelore Penale në Shkup sot u mbajt një protestë paqësore nën moton “Drejtësia për Viktorian”, përmes së cilës u shpreh revolta për dënimin me burg prej tre vitesh të dhënë nga gjykata ndaj Jordan Gjorgjievit, i cili goditi për vdekje 24- vjeçaren Viktorija Nikolova nga Radovishi më 20 janar në vendkalimin për këmbësorë përballë City Mallit, transmeton Portalb.mk..
Protesta u organizua nga Leonid Daov, i dashuri i Viktorias, i cili gjithashtu mbeti i plagosur në aksident.
Me bluza të zeza të stampuara në foton e Viktorias dhe mbishkrimin “Stop dhunës në trafik”, të pranishmit kërkuan që Gjykata e Apelit në Shkup të rrisë dënimin ndaj të dënuarit, raporton 360Gradë.
Në protestë u mblodhën dhjetëra qytetarë, prindërit e Nikolovës, ndërsa përveç bluzave, mbanin edhe pankarta me shkrime “Pallati i padrejtësisë”, “Drejtësi për Viktorinë”, “Shoferë vrasës, gjyqtarë pa ndërgjegje”, “Stop dhunës në trafik”, “Tre vjet për vrasjen e këmbësorëve, tre vjet për 150 qebapë”…
Prindërit e Viktorias nuk mund t’i mbanin lotët dhe u thanë shkurt gazetarëve se “gjyqësori nuk po funksionon” dhe se “nuk ka njeri që të administrojë drejtësinë”.
Motra e saj, Liljana Nikolova, në deklaratë për media porositi se kjo protestë është një tjetër votë kundër padrejtësisë.
“Sot kërkojmë drejtësi përsëri dhe përsëri drejtësi për vendimin e padrejtë, për gjithë padrejtësinë që na është bërë dhe po bëhet. Kjo protestë është edhe një tjetër ngritje zëri ndaj kësaj gjyqësie dhe kjo padrejtësi na dhemb deri në kockë”, tha motra e Viktorias.
Edhe avokati i familjes Nikollovi, Vladimir Mihajlovi, tha se kërcënimi më i madh për drejtësinë është padrejtësia dhe u shpreh i revoltuar nga dënimi me burg prej tre vitesh i dhënë nga gjykata, ndërsa për prokurorinë tha se me aktakuzë e kishte kryer punën e saj në mënyrë profesionale.
“Dënimi prej tre vitesh është nën minimumin ligjor që parashikon dënim nga 4 deri në 20 vjet për një vepër të tillë. Të merret si rrethanë lehtësuese se autori ka qenë i ri është qesharake, presim që Apeli t’i rrisë dënimin, gjegjësisht kërkojmë që ai të marrë dënimin e parashikuar me ligj”, tha Mihajloviq.
Më 20 janar të këtij viti, Gjorgjiev vrau me veturë 24-vjeçaren Viktorija Nikolova teksa po kalonte në një vendkalim për këmbësorë, ndërsa i plagosur mbeti edhe i dashuri i saj Leonid Daov, i cili po e shoqëronte.
Protesta u organizua përmes Facebookut nga i dashuri i të ndjerës Viktoria, si pakënaqësi ndaj aktgjykimit për shoferin Gjorgjiev.
“Pas aktgjykimit të 11 prillit 2022 në Gjykatën Themelore Penale Shkup, Viktoria dhe Leonidi nuk e morën aktgjykimin që është i drejtë! Nuk kemi sundim të ligjit, nuk kemi paqe shpirtërore! Kemi të drejtën civile të ngremë zërin edhe për Viktorinë, por edhe për të gjitha viktimat e dhunës në trafik dhe vendimeve të padrejta! Të zgjojmë vetëdijen, të jemi zëri i të ndjerëve dhe zëri i viktimave! Le të themi ndaloni vendimet e këqija dhe dhunën në trafik!”, shkruante Leonid në postimin në Facebook.
Pas dënimit me tre vjet burg të shoferit Jordan Gjorgiev për aksidentin automobilistik në “City Mall”, familja e Nikollovës dhe avokati i tyre nuk e fshehën revoltën nga lartësia e dënimit dhe thanë se janë të neveritur nga shteti dhe gjyqësori.
“Çfarë të themi? Nuk kam fjalë, jam i neveritur nga ky vend dhe gjyqësori dhe prandaj ka një përqindje kaq të lartë të besimit në drejtësi – zero për qind. Nuk kam asgjë tjetër. Ne si familje jemi të neveritur nga një vendim i tillë. Nuk kemi fjalë, të gjithë do të ikin nga ky vend”, deklaroi para mediave babai i vajzës, ndërsa nëna e saj nuk i mbante dot lotët.
