Kontesti me emrin nuk i ndal banorët e Maqedonisë ta vërshojnë Greqinë
Mbi 16.000 qytetarë të Maqedonisë kanë hyrë në Greqi edhe atë vetëm nëpërmjet kalimit kufitar Bogorodica të Gjevgjelisë.
Deri më tani ende nuk është i njohur numri i atyre që kanë hyrë në Greqi nëpërmjet kalimit kufitar Mexhitlija, ku më së shumti kalojnë banorët e Manastirit, Prilepit, Ohrit dhe Kërçovës.
Por supozohet se nëse i shtohet edhe numri i qytetarëve që kaluan nëpërmjet kësaj pike kufitare, atëherë qytetarët që kanë shkuar për vikend në Greqi, e kalon numrin 20.000.
Statistikat tregojnë se më parë në Greqi kanë udhëtuar mbi 300.000 qytetarë të Maqedonisë. /Portalb