RMV, tërmet me magnitudë 3.6 u ndje në Manastir dhe rrethinë
Rrjeti sizmik telemetrik i Republikës së Maqedonisë së Veriut, me stacione në Shkup, Vallandovë, Ohër, Shtip dhe Pehçevë, i mirëmbajtur nga Observatori Sizmologjik pranë Fakultetit të Shkencave Natyrore dhe Matematikës në Shkup, sot regjistroi tërmet në orën 15:01, transmeton Portalb.mk.
Epiqendra e tërmetit ndodhi 125 km në jug të Shkupit në kufi me Greqinë fqinje nga zona e Manastirit.
“Tërmeti ka qenë me magnitudë 3.8 dhe është ndjerë më fuqishëm në Manastir dhe rrethinë me intensitet IV-V gradë sipas shkallës makrosizmike evropiane ndërsa në pjesën jugperëndimore të vendit tërmeti është ndjerë me intensitet III-IV të së njëjtës shkallë”, njoftuan autoritetet.
Sipas të dhënave të deritanishme, tërmetet nuk kanë shkaktuar dëme materiale.
