Masakër në SHBA, pesë persona të vrarë
Të paktën pesë persona kanë humbur jetën dhe tre të tjerë janë plagosur, njëri prej tyre në gjendje kritike pas një tjetër masakre te dhunshmë në Shtetet e Bashkuara, transmeton Albanian Screen.
Në Santa Monika, një person i armatosur me një pushkë sulmi, ka hapur zjarr kuturu në rrugë të ndryshme dhe në nje kolegj aty pranë. Në fund personi u qëllua nga policia.
E gjithë kjo ndodhi disa kilometra larg nga vendi ku Presidenti Barack Obama merrte pjesë në një eveniment për mbledhjen e fondeve. Shefja e policisë së Santa Monika, Jacqueline Seabrooks, tha se vrasësi një person mes 25 dhe 35 vjeç, i kishte vënë fillimisht zjarrin një banese në zonën e Yorkshire Avenue ku më pas u abuluan dhe dy trupa pa jetë. Me pas mori arratinë dhe filloi të hapte zjarr mbi makina e kalimtarë. Pas mbërritjes së policisë në zonë u strehua në kolegjin e Santa Monica. pas shkëmbimit të zjarrit në bibliotekën e kolegjit më forcat e rendit i dyshuari mbeti i vrarë.
“Ne nuk jemi të sigurt 100 për qind se ai ka vepruar i vetëm,” deklaroi Seabrooks, duke shtuar se agjentët kanë arrestuar dhe një tjetër të dyshuar në lidhje me ngjarjen e theksoi se disa prej të vrarëve janë qëlluar në mënyrë rastësore.