Egjipt, ish-presidenti Mubarak lirohet nga akuza e vrasjes së protestuesve
Egjipt- Gjykata e Apelit ka vendosur që ish-Presidentit Hosni Mubarak, t’i heqë akuzën e vrasjes së protestuesve gjatë përleshjeve të dhunshme, që sollën rrëzimin e tij nga pushteti.
Gjykata ka vendosur që ish Presidenti lirohet vetëm nga kjo akuzë dhe se ai duhet të qëndrojë në paraburgim për akuzat e tjera që rëndojnë mbi të.
Lajmin për vendimin e gjykatës e kanë bërë publik mediat vendase dhe më pas lajmi është transmetuar edhe nga media të tjera të huaja.