(VIDEO) Aksident i rëndë me autobus në Belgjikë, humbin jetën 5 të rinj

5 të rinj kanë humbur jetën në një aksident tragjik që ka ndodhur në Anvers të Belgjikës.

Aksidenti ndodhi rreth orës 06:30 në autostradën që lidh qytetin Ranst, rreth dhjetë kilometra nga qyteti Anvers, në veri të vendit, raportojnë nga policia.

Autobusi i regjistruar në Poloni mbante 42 pasagjerë, kryesisht të rinj të moshës15-22 vjeç. Në mesin e të vdekurve është edhe drejtuesi i autobusit i cili deri në fund të kishte tentuar të tejkalojë situatën.

Nga aksidenti mbetën të plagosur 32 persona, prej të cilëve 15 janë në gjendje të rëndë shëndetësore.