Lëvizja Besa konfirmoi kandidaturën e Blerim Sejdiut për Komunën e Zhelinës

Lëvizja Besa ka zyrtarizuar kandidaturën e Blerim Sejdiut për të marrë pjesë në garat e 17-të tetorit, për të qenë edhe një mandat kryetar i Komunës së Zhelinës, duke llogaritur që ai tashmë është duke përfunduar mandatin e tij të parë, transmeton Portalb.mk.

“Në prezencë të strukturës më të lartë të Lëvizjes BESA, kryetarit Bilall Kasami si dhe sekretarëve të partisë, Arjanit Hoxha dhe Adnan Azizi u mbajt Kuvendi themelues i degës së Zhelinës. Kuvendarët zgjodhën kryetarin e ri të degës, Suad Alilin si dhe kryesinë e degës. Kuvendi i kësaj dege me unanimitet vendosi që kryetari aktual i komunës Blerim Sejdiu të garoj edhe për një mandat”, thuhet në kumtesën e Lëvizjes Besa.

Ndryshe, zgjedhjet lokale në RMV do të mbahen më 17 tetor të këtij viti, kurse fushata parazgjedhore do të fillojnë 20 ditë para datës së zgjedhjeve.