RMV, Aleanca për Shqiptarët: Nuk janë tetovarët të pistë, po ju s’keni haber si udhëhiqet komuna

Zonjës Arifi, kryetares më të dobët në historinë e Tetovës, dje ju paska kujtuar të merret me deponitë nëpër qytet. Për të mbuluar paaftësinë e vet për këto deponi dhe erën e qelbur që ka mbuluar Tetovën gjatë mandatit të saj, ajo përmes rrjeteve sociale paturpësisht njëherë akuzoi organizatat joqeveritare, pastaj gjithë qytetarët se janë të papastër dhe nuk dinë ku të hudhin mbeturinat, ndërsa më vonë bëri thirrje që po këta qytetarë të pistë të lajmërojnë komunën se ku ndodhen këto deponi, thuhet në reagimin nga Aleanca për Shqiptar ndaj statusit të djeshëm të Teuta Arifit se në një nga pjesët qendrore të qytetit ku bëhet grumbullimi mbeturinave dhe në të cilën ndodhen hapësirat e OJQ-së “LOJA”, mbeturinat janë pastruar tre herë me radhë, njofton Portalb.

Zonja Arifi, thuhet më tej në reagim, tetovarët nuk janë njerëz të pistë siç po i quani, po ju nuk keni haber si udhëhiqet një komunë.

Nga Aleanca për Shqiptarët, Arifit i kanë dhënë disa këshilla për këto dy muaj e fundit, siç thonë, sa ju kanë mbetur deri në pension.

“1. Nuk ju duhet matematikan në kabinet, por të paktën keni një këshilltar që di të numërojë. Deponitë krijohen sepse NUK KA KONTENJERË TË MJAFTUESHËM. Kjo ka qenë e vërtetë qysh para tetë vitesh; mos e mbuloni paaftësinë tuaj duke kërkuar pisllëk te të tjerët.

2. Leni pak ndërtesat, bizneset dhe Daka Davidoviçin e Jellakut dhe kujtoni punonjësit e NKP, të cilët i leni pa rroga me muaj të tërë.

3. S’ka nevojë të ju informojnë qytetarët, është puna juaj të dini ku ka deponi. Sa për informatë deponi ka në çdo cep. Këtë do t’a dinit sikur të kalonit ndonjëherë nëpër mëhallat e qytetit dhe jo vetëm një herë në katër vite kur ju duhen vota”, thonë nga ASH.

Për fund ju themi, tregoni pak respekt për tetovarët sepse vetëm në kurriz të tyre arritët të ngriheni në politikë. Mos vazhdoni traditën e ofendimeve të tetovarëve sapo ndjeni erën e humbjes, siç bëri paraardhësi juaj kur na dëshiroi ujë të helmuar.

Përndryshe, dje kryetarja e Komunës së Tetovës, Tetua Arifi sot përmes një statusi në Facebook ka shkruar se në një nga pjesët qendrore të qytetit ku bëhet grumbullimi mbeturinave dhe në të cilën ndodhen hapësirat e OJQ-së “LOJA”, mbeturinat janë pastruar tre herë me radhë, kurse nga OJQ-ja thonë se autoritetet komunale i pastrojnë vetëm kur vjen për vizitë ndonjë ambasador.

“Në qendër të qytetit! Intervenimi i tretë me radhë. Çdo ditë e njëjta storje! Në ditën për diell në hyrjen e organizatave jo qeveritare”, shkroi Arifi në Facebook, duke informuar se kjo pjesë është pastruar.

Menjëherë pas postimit të Arifit kanë reaguar edhe nga Qendra për Bashkëpunim Ballkanik “LOJA” nëpërmjet një statusi në Facebook, ku thonë se kjo pjesë pastrohet vetëm kur vjen për vizitë ndonjë ambasador.

“No comment, vlerësojeni vet! Në qendër të qytetit! Çdo ditë e njëjta storje! Në ditën për diell në hyrjen e organizatave jo qeveritare (e vetmja pike për grumbullim e mbeturinave për më shumë se 100 bizneset e qendrës së re tregtare, e cila pastrohet vetëm kur vjen për vizitë ndonjë ambasador)! Turp!”, shkruan nga Loja në Facebook.

Edhe OJQ-ja “Eco Guerilla” reagoi nëpërmjet një statusi në Facebook ku thotë se gjendja në qendër është e njëjtë si nëpër të gjithë lagjet e tjera të Tetovës.

“Si nëpër krejt lagjet tona, ashtu edhe në qendër të qytetit! Çdo ditë e njëjta storje! Në ditën për diell në hyrjen e organizatave jo qeveritare (e vetmja pike për grumbullim e mbeturinave për më shumë se 100 bizneset e qendrës së re tregtare, e cila pastrohet vetëm kur vjen për vizitë ndonjë ambasador)! Turp!”, shkruan nga Eco Guerilla në Facebook.

Paraprakisht, gjithandej në qytetin e Tetovës ka pasur mbeturina të grumbulluara, të cilat nuk janë pastruar nga autoritetet komunale. Pos, mbeturinave të amvisërive, qytetarët kanë hedhur edhe gjësende shtëpiake, mobilje e madje edhe materiale ndërtimore. Një ndër pjesët me më shumë mbeturina për ditë me radhë, ishte edhe pjesa për të cilën kryetarja Arifi akuzon OJQ-të.

Si ka qenë gjendja me mbeturinat kohëve të fundit në Tetovë më mirë flasin pamjet e mëposhtme:

Mbeturinat 27.07.2021

LEXO: Mbyllni hundët edhe sot, NPK premtoi se nesër do t’i pastrojë mbeturinat në Tetovë (VIDEO)

Nga ana tjetër autoritetet komunale për pastrimin e mbeturinave të qytetit të Tetovës, nuk kanë kohë t’u përgjigjen gazetarëve në lidhje me papastërtinë në qytet, pasi që janë “të zënë” nëpër mbledhje, derisa qytetarët vazhdojnë ta “durojnë” bërllokun dhe erën e keqe që përhapet nga papastërtia, në këtë kohë me temperatura të larta dhe në gjendje pandemie. Pavarësisht se kryetarja e Tetovës, Teuta Arifi ka premtuar vazhdimisht transparencë, përfaqësuesit e komunës nuk i hapin telefonat e nuk kthejnë porosi ndaj pyetjeve gazetareske

LEXO: Tetova në mbeturina, përgjegjësit për pastërtinë 3 ditë nuk u përgjigjen thirrjeve pasi janë “në mbledhje”

Përderisa Tetova po ngulfatet nga mbeturinat, nuk merren masa të nevojshme për personat që hedhin mbeturina inerte, mobilje dhe material ndërtimore. Nga SPB Tetovë për Portalb.mk thanë se gjatë 6 muajve të parë të vitit 2021, janë regjistruar dy vepra penale në lidhje me ndotjen e mjedisit jetësor, nga hedhje e mbeturinave, mbeturinat e ndërtimit dhe materialet e tjera ndotëse.

• LEXO: Arifi thotë se tre herë i ka pastruar mbeturinat para “LOJA”-s, OJQ-të thonë se pastrohen vetëm kur vjen ndonjë ambasador
• LEXO: SPB Tetovë: për 6 muaj vetëm dy vepra penale për ndotjen e ambientit, NPK dhe Komuna heshtin për mbeturinat
• LEXO: Me vite injorohet “xhungla” me deponinë as 750 metra larg objektit të Komunës së Tetovës (VIDEO)
• LEXO: SPB Tetovë: për 6 muaj vetëm dy vepra penale për ndotjen e ambientit, NPK dhe Komuna heshtin për mbeturinat
• LEXO: Tetova në mbeturina, përgjegjësit për pastërtinë 3 ditë nuk u përgjigjen thirrjeve pasi janë “në mbledhje”
• LEXO: Mbyllni hundët edhe sot, NPK premtoi se nesër do t’i pastrojë mbeturinat në Tetovë (VIDEO)
• LEXO: Ekskluzive: Policia Financiare ka hyrë në dy ndërmarrje publike të Komunës së Tetovës
• LEXO: Me vite injorohet “xhungla” me deponinë as 750 metra larg objektit të Komunës së Tetovës (VIDEO)
• LEXO: Pastërtia në Tetovë: Komuna thotë se ka shfrytëzuar 122 mijë euro fonde nga IPA për kosha dhe kamion plehrash
• LEXO: Pastërtia në Tetovë: Në vitin 2019 NPK-ja premton se do të furnizojë 200 kosha të rinj me kapakë
• LEXO: Pastërtia në Tetovë: koshat e stërmbushur janë jofunksional dhe duhet të zëvendësohen (FOTO)
• LEXO:Koshat e plehrave nuk pastrohen në kohë, NPK Tetova fajëson qytetarët që hedhin materiale ndërtimore
• LEXO: “Tetova evropiane” e papastër, Ceka: I fotografojnë koshat e plehrave pak para se t’i mbledhim mbeturinat (FOTO)
  
• LEXO: Tetova assesi të “lirohet” nga mbeturinat, edhe pika për ngarkim-shkarkim shndërrohet në deponi të egër (FOTO)