Në Indi 38.792 raste të reja me COVID-19 në 24 orët e fundit, 624 të vdekur

Në Indi, vendi që është mes më të goditurave nga pandemia e koronavirusit (COVID-19) në botë, vazhdon të bie numri i rasteve aktive, transmeton Anadolu Agency (AA).

Ministria e Shëndetësisë njofton se gjatë 24 orëve të fundit janë regjistruar 38.792 raste të reja ndërsa si pasojë e infektimit kanë humbur jetën 624 persona. Janë shëruar 41 mijë persona.

Në trajtim edhe më tej janë 429.946 persona. Për dy muaj, numri i të shëruarve ka tejkaluar numrin e rasteve në baza ditore, gjë që lehtëson pjesërisht barrën me të cilën përballet sistemi shëndetësor.

Deri më tani në Indi, 30.104.720 persona janë shëruar nga COVID-19 ndërsa shkalla e shërimit është 97,28.

Janë konfirmuar gjithsej 30.946.074 raste me COVID-19 dhe 411.408 vdekje.

Që nga 16 janari, janë dhënë 387.697.935 doza të vaksinës. Megjithatë, kjo nuk mjafton për të ndaluar pandeminë në një vend me rreth 1.4 miliardë banorë.