EURO 2020, Çekia me “gjak” nuk arriti të sigurojë kualifikimin gjatë ndeshjes kundër Kroacisë, por mundësitë janë të volitshme

Kroacia dhe Çekia janë përballur sot në ndeshjen në kuadër të Grupit D në EURO 2020, ku rezultati përfundimtar i ndeshjes ngeli 1-1, rezultat i cili i hap mundësinë të dy ekipeve të garojnë për kualifikim, transmeton Portalb.mk.

Një kërcim i futbollistit kroat dhe çek në zonën e rreptësisë së Kroacisë, në minutën e 35-të, pas konsultimeve me procesin VAR, u shndërrua në penallti në të mirë të Çekisë. Çekia kaloi në epërsi përmes penalltisë, që u godit nga Schick, i cili në atë moment kishte gjakderdhje nga hundët pas goditjes paraprake.

Me rezultat 0-1 u përmbyll pjesa e parë e kësaj ndeshje. Me fillimin e pjesës së dytë, filluan edhe shpresat për fitore për ekipin kroat, pasi Perisiç shënoi gol në minutën e 47-të.

Ndryshe, Çekia në ndeshjen e parë fitoi kundër Skocisë, ndërsa Kroacia humbi nga Anglia. Sonte nga ora 21:00 do të ndeshet Anglia dhe Skocia.