Inspektorati Sanitar Shëndetësor:Të punësuarit nuk respektojnë orarin e punës
Inspektorati Shtetëror Sanitar ka njoftuar se nga inspektimi që ka kryer ky inspektorat , të premten nga ora 14.00 deri në orën 15 e 30, është konstatuar se mjekët dhe të punësuarit e tjerë nëpër disa spitale nuk e kanë respektuar orarin e punës.
Kështu siç ka informuar drejtori i këtij Inspektorati, Xhevxhes Shaqiri, nga inspektimi është konstatuar se orari i punës nuk është respektuar në Klinikën e dermatologjisë, të reumatologjisë, dhe gastroenterohepatologjisë, ndërsa është respektuar në klinikat e ORL-së, Stomatologjisë, Nevrologjisë, të syve Endokrinologjisë dhe Spitalin e Përgjithshëm të Qytetit “8 shtatori”, transmeton TV Nova.