Tetovë, do të dënohen dy të burgosurit që rrahën shqiptarin
Hetuesia do të ndërmerrë masa adekuate për dy të burgosurit në burgun e Tetovës që dje brutalisht sulmuan me shufër metali shtetasin nga Shqipëria i cili ndodhej në paraburgim, ndërsa për ndëshkimin e gardianëve nuk do të merren masa sepse si që sqaron drejtori i burgut, ata kanë qenë në vendin e ngjarjes dhe kanë ndërhyrë në kohë.
“Masa për të burgosurit janë marrë nga hetuesia e cila e ka kryer këtë hetim, ndërsa kundër gardianëve nuk do të merren masa pasi që ata sapo e kanë vërejtur këtë incident, e kanë ndërprerë si dhe gjatë incidentit ato kanë qenë në vendin e ngjarjes” tha Murat Ramadani drejtori i burgut të Tetovës një në prononcim për Portalb.
Nga Ministria e drejtësisë thonë se pritet të ndërmerren masat nga ana e gjykatësit hetues.
“Kundër të burgosurve do të ndërmerren masat e nevojshme nga gjykatësja hetuese” tha zëdhënësja e ministrisë së drejtësisë, Ubavka Matevska
Rastin në fjalë e udhëheq gjykatësja hetuese Zorica Eftimovksa nga e cila Portalb nuk arriti të merr një prononcim se çfarë ka ndodhur më saktësisht dje në orët e mëngjesit në burgun e Tetovës.
Sipas policisë së Tetovës rrahja ka ndodhur në orët e para të mëngjesit ku dy të burgosurit njëri nga Tetova dhe tjetri nga Gostivari e kanë sulmuar të burgosurin nga Shqipëria më saktësisht nga Kukësi. Shtetasin nga Shqipëria e kanë qëlluar me një shufër metalit ku ka marr lëndime në kokë dhe menjëherë është dërguar në spitalin e Tetovës, atje ka marrë ndihmën e parë dhe pas përmirësimit të gjendjes është kthyer përsëri në burgun e Tetovës. / Portalb