Aksident hekurudhor në Zvicër, një i vdekur e 44 të plagosur (VIDEO)
Të paktën një person ka vdekur dhe 44 të tjerë janë plagosur nga përplasja e dy trenave në kantonin Vaud të Zvicrës, mbrëmjen e së hënës.
Sipas autoriteteve 5 viktima nga ky aksident hekurudhor janë në gjendje të rëndë.
Aksidenti ka ndodhur në Grange-pres-Marnand, ndërsa ekipet emergjente dhe zjarrëfikësit kanë punuar gjatë natës për të kontrolluar nëse ka persona nën rrënojat e vagonëve.
Mediat lokale raportojnë se në momentin e aksidentit, njëri prej trenave ishte nisur në drejtim të Laussane, kurse tjetri nga drejtimi i kundërt po bëhej gati të ndalej në stacion.