Mickoski theksoi dy kërkesa në bisedën telefonike me Palmerin
Kryetari i opozitares VMRO-DPMNE, Hristijan Mickoski, zhvilloi bisedë telefonike me zv.ndihmës sekretarin amerikan, Metju Pallmer, transmeton Portalb.mk.
“Nevojitet zgjidhje cilësore për regjistrimin e popullsisë, si dhe marrëveshje përfundimtare me fqinjin lindor”, deklaroi Mickoski, duke theksuar që në marrëveshjen finale mos të përfshihen kompromise të identitetit kombëtar.
Mickoski propozoi që Bullgaria të mos kushtëzojë hapjen e negociatave, ndërkohë çështjet bilaterale të zgjidhen jashtë procesit eurointegrues.
“Në bisedë është rikonfirmuar miqësia strategjike me SHBA-në dhe angazhimi për përmbushjen e agjendës së NATO-s dhe vlerave demokratike të nevojshme”, raportojnë nga partia në lidhje me bisedën telefonike.
Në takim gjithashtu Mickoski ka theksuar nevojën për dialog në nivel të lartë për çështje të rëndësishme.