Tetovë, interesim i lartë i pensionistëve për pushime në Banja
Me 14 janar ka filluar afati për dorëzimin e dokumentacionit të pensionistëve për të shkuar në banja në kuadër të projektit të Ministrisë së punës dhe politikës Sociale, për dërgimin e pensionistëve në banja të financuar nga kjo ministri.
Ali Alija, arkivues në Fondin Pensional në Tetovë tha, “Këtë vit interesimi i pensionistëve është i madh dhe nga dita kur ka filluar aplikimi e deri më sot janë paraqitur mbi 350 pensionistë dhe ne presim që ky numër të rritet deri në përfundimin afatit me 14 shkurt”.
Nga Fondi Pensional thonë se edhe këtë vit ashtu si vitin a kaluar Ministria e punës dhe Politikës Sociale, nga Tetova do të dërgojë 1300 pensionistë për në banjat e Dibrës ndërsa përparësi do të kenë ato pensionist që nuk kanë qenë në banja dhe që kanë pension më të ulët.
Përzgjedhja bëhet nga ana e Ministrisë për Punë dhe Politikë sociale, ndërsa edhe për këtë vit pritet që në banja të shkojnë mbi 10 mijë pensionistë nga Maqedonia. /Portalb