Tërmeti dridhi Maqedoninë e Veriut, u frikësuan edhe kafshët në kopshtin zoologjik Shkup (VIDEO)
Observatori sizmologjik pranë Fakultetit matematiko – natyror në Shkup njoftoi se ka regjistruar një tërmet në orën 4:54 minuta, me intensitet prej 5.0 shkallëve, sipas shkallës Rihterit. Epiqendra e tërmetit, ndodhej 50 km në jugperëndim të Shkupit në zonën e epiqendrës Tetovë-Gostivar, konkretisht në Mavrovë, njofton Portalb.mk.
Tërmeti i fortë që është ndier këtë mëngjes nga një pjesë e banorëve të Shkupit dhe disa qyteteve tjera, shqetësoi kafshët në Kopshtin Zoologjik të Shkupit. Në rrjetet sociale u shpërnda një video, në të cilën dëgjohen zërat që lëshonin kafshët, ndërkohë që po ndodhte tërmeti.
Животинкиве гревчиња ЗОО Скопје #земјотрес pic.twitter.com/zdqtcAw2ZH
— Sylvester (@Sylvester_mk) November 11, 2020
Siç informon Observatori sizmologjik, sipas të dhënave të deritanishme, tërmeti më së shumti është ndjerë nga popullata në Gostivar dhe Mavrovë me një intensitet prej V gradë, sipas shkallës makrosizmike evropiane, në Tetovë dhe Shkup me gradë IV, dhe në Manastir, Prilep dhe rrethinë me III gradë sipas të njëjtës shkallë.
Dridhjet e fuqishme kanë zgjatur disa sekonda duke u ndjerë më shumë në rajonin e Tetovës, Gostivarit, Shkupit.
Tërmeti është ndjerë edhe në Shqipëri, raporton VizionPlus. Deri më tani nuk raportohet për dëme materiale e as viktima ose të lënduar.
Tërmeti është ndjerë edhe në Shqipëri, raporton VizionPlus. Deri më tani nuk raportohet për dëme materiale e as viktima ose të lënduar.
