MPB padi për kryetarin e Bogovinës, Xhemaili: Le të dorëzojnë edhe 100, nuk heq dorë nga ujësjellësi
SPB Tetovë ka dorëzuar padi penale kundër kryetarit të Komunës së Bogovinës, Albon Xhemaili për shkak të ndodhive në fshatin Siniçan në lidhje me ujësjellësit. Xhemaili për Portalb.mk, thotë se ai nuk e ka ndërmend të tërhiqet nga ndërtimi i ujësjellësit edhe policia dorëzon 100 padi kundër tij.
“SPB Tetovë ka dorëzuar padi penale kundër kryetarit të Komunës së Bogovinës, për shkak të dyshimit për kryerjen e veprës penale “kryerje e detyrës zyrtare në mënyrë të pandërgjegjshme” dhe personit juridik nga Bogovina, në pronësi të M.A. (59) për shkak të ekzistimit të dyshimit për kryerjen e veprës penale “ndërtim pa leje”, thonë nga SPB Tetovë.
Sipas policisë, në korrik, kryetari i Komunës ka vepruar në mënyrë të pandërgjegjshme në kryerjen e detyrës dhe autorizimit zyrtar, ka mundësuar fillimin e ndërtimit të ujësjellësit për qytetarët e fshatit Siniçan të Tetovës, pa siguruar dokumentacion përkatës dhe miratim për fillimin e ndërtimit. Pastaj, siç thonë nga Policia, nëpërmjet Ndërmarrjes Publike, kryetari ka dhënë udhëzime që të angazhohet operatori ekonomik, gjegjësisht i paraqituri i dytë, edhe pse e ka ditur se për ndërtimin e ujësjellësit nuk ekziston miratim dhe ka filluar ndërtimi.
Nga ana tjetër kryetari Xhemaili për Portalb.mk, thotë se për padinë është i njoftuar nëpërmjet mediave, ndërkaq ai nuk e ka ndërmend të tërhiqet nga ndërtimi i ujësjellësit pasi që është nevojë e qytetarëve.
“Ky shtet kështu siç është, unë për veten time e dëgjoj në lajme, as një njoftim zyrtar, asnjë në shtëpi smë kanë dërguar letër, apo te puna, sepse jam kryetar komune kam zyrë kam shtëpi. Në SPB Tetovë kur kam qenë në bisedë informative kemi folur për situatën, por s’më kanë paralajmëruar se mund të dorëzojnë padi penale. Në qoftë se qenka kriminalitet ta furnizosh popullatën tënde me ujë për pije në kohë pandemie atëherë veprimet tjera nuk e di si t’i quaj. Veprimi ka qenë me urdhëresë pune, me vendim të Këshillit Komunal a në qoftë se se dikush bën teket e veta politike unë se kam ndërmentdhiç, le të vazhdojnë me padi jo 1 po 100, gajle se kam”, thotë Xhemaili.
Në ndërkohë, sot është dashur që të ketë takim në Qeveri në lidhje me zgjidhjen e problemit të ujit të pijshëm në fshatin Siniçan, por i njëjti është anuluar dhe janë dorëzuar vetëm kërkesat e fshatit Urviç të po të njëjtës komunë.
Edhe sot situata mbetet e njëjtë, policia dhe disa nga banorët e fshatit Siniçan vazhdojnë të qëndrojnë në vendin ku gjendet gypi por duke mos punuar në të njëjtin.
- LEXO: Përafrohen qëndrimet e Urviçit dhe Siniçanit për tejkalimin e problemit me furnizimin me ujë
- LEXO: RMV, qeveria e gatshme për ndihmë teknike komunës së Bogovinës për problemin e ujit në Siniçan
- LEXO: Qeveri-Komunë, s’ka marrëveshje për ujin në Siniçan
- EXO: Banorët e fshatit Siniçan ndjehen të shqetësuar, ende nuk kanë ujë për pije
- LEXO: Rasti i Siniçanit, Spasovski: Zgjidhja të vijë përmes kornizave ligjore
- LEXO: Ngjarjet në Siniçan, Prokuroria Publike do ta hetojë ndërtimin e ujësjellësit dhe veprimin e prokurores së Tetovës
- LEXO: Sela reagoi ndaj ngjarjeve në Siniçan: Pas kësaj fshihen bizneset e funksionarëve të BDI-së
- LEXO: Situata në Siniçan, Policia pret urdhër me shkresë nga Prokuroria për t’u tërhequr nga vendi ku punohet ujësjellësi
- LEXO: Përpjekje e pasuksesshme për ndërtimin e ujësjellësit në Siniçan, policia në vendin e ngjarjes!