AngloGold Ashanti mbyllë përkohësisht minierën në Afrikë të Jugut pas 164 rasteve me koronavirus
AngloGold Ashanti ka mbyllur përkohësisht minierën Mponeng në Afrikë të Jugut pasi 164 punëtorë kanë rezultuar pozitiv me koronavirus, është njoftuar në një komunikatë të dielën, shkruan Koha.net.
“Si masë paraprake, dhe pas diskutimit me rregullatorët, dhe autoritetet përkatëse, miniera është mbyllur në bazë vullnetare, në mënyrë që të kompletohet procesi i gjurmimit të kontakteve dhe të dezinfektohet sërish vendi”, është thënë në komunikatë të AngloGold Ashantit.
Është njoftuar se shumica e rasteve janë pa simptome dhe të gjithë që kanë rezultuar pozitiv janë izoluar sipas protokolleve shëndetësore të Afrikës së Jugut.
