Rasti “27 prilli” para Gjykatës së Apelit më 27, 28 dhe 29 maj
Seanca publike para Gjykatës së Apelit Shkup e caktuar për më 27, 28 dhe 29 maj të këtij viti, për lëndën e njohur në opinion si “27 Prilli” do të mbahet në Sallën e madhe solemne të Gjykatës supreme të RMV-së, informojnë nga Gjykata e Apelit Shkup.
“Seanca do të mbahet në pajtim me protokollin e konfirmuar në Shtesën 4 në Vendimin për ndryshim të vendimit për masa për parandalim të vendosjes dhe përhapjes së Koronavirusit Covid-19 e publikuar në gazetën zyrtare të RMV-së nr. 134/20 nga 22/05.2020”, thuhet në kumtesën nga Apeli.
