OBSH nuk është e sigurt nëse antitrupat mbrojnë nga COVID-19
Organizata Botërore e Shëndetit (OBSH) nuk është e sigurt nëse antitrupat mbrojnë nga ri-infeksioni me koronavirusin e ri, theksoi Mike Ryan, udhëheqës profesional i kësaj organizate, përgjegjës për gjendjet e jashtëzakonshme, njofton Panacea.
Në një konferencë për shtyp, Ryan vuri në dukje se, edhe nëse antitrupat janë efektiv, shumë pak tregon se ato janë zhvilluar nga një numër i madh i njerëzve dhe se kjo lejon “imunitet grupor” për popullatën e përgjithshme.
“Shumë informacione paraprake që na vijnë tani tregojnë se një përqindje shumë e vogël e popullsisë ka zhvilluar antitrupa”, thekson Ryan.
“Pritshmëritë janë se një përqindje më e madhe e shoqërisë të ketë zhvilluar antitrupa, por të dhënat e përgjithshme sugjerojnë ndryshe, kështu që nuk do të jetë në gjendje të zgjidhë problemin që kanë qeveritë”, shtoi ai.
