Irak, numri i vdekjeve nga koronavirusi rritet në 40
Numri i vdekjeve nga koronavirusi në Irak është rritur në 40, bëri të ditur sot Ministria e Shëndetësisë e këtij vendi, raporton Anadolu Agency (AA).
Në një deklaratë, Ministria tha se numri i përgjithshëm i rasteve të koronavirusit në vend ka arritur në 458.
Gjithashtu, shtohet se 122 persona deri tani janë shëruar nga virusi, i njohur si COVID-19.
Pasi u shfaq për herë të parë në Wuhan, Kinë, dhjetorin e kaluar, koronavirusi i ri është përhapur në të paktën 176 vende dhe territore, sipas të dhënave të përpiluara nga Universiteti Johns Hopkins me qendër në SHBA.
