Kuvendi i miratoi ndryshimet dhe plotësimet në disa ligje
Në seancën e 123-të të Kuvendit të RMV-së, me procedurë të shkurtër janë miratuar disa ndryshime dhe plotësime të disa ligjeve, transmeton Portalb.mk.
Në këtë seancë u votuan 17 ligje.
Ndryshimet dhe plotësimet te Ligji për mbrojtje shëndetësore dhe për tatimin e të ardhurave personale kaluan sot, ndërsa në lexim të dytë kaloi plotësimi i Ligjit për shërbim në armatë, si dhe Propozimi i interpretimit autentik të nenit 161-të nga Ligji për mbrojtje shëndetësore.
Në diskutimin për ndryshimet dhe plotësimet e këtij Ligjit të fundit, pati debat ndërmjet opozitës dhe pushtetit, duke u përfshirë edhe ndërtimi i Qendrës së re klinike.