Pendarovski: 90% e ambasadorëve të propozuar janë diplomatë me karrierë
Mbi 90% e ambasadorëve të propozuar janë diplomatë me karrierë, gjegjësisht të punësuar profesional në Ministrinë e Punëve të Jashtme, deklaroi sot presidenti Stevo Pendarovski, duke u përgjigjur në pyetje gazetareske në Forumin Rajonal të Antikorrupsionit SELDI, njofton Portalb.mk.
Ai shtoi se profesionalizimi i ambasadorëve ka qenë një ndër përkushtimet e tija të para kur është bërë president dhe një ndër parimet në të cilat ka insistuar në konsultimet e tija të para me ministrin e Punëve të Jashtme, Nikolla Dimitrov.
Përpara se të dërgohet ambasadorët e ardhshëm, duhet që të kryhen disa procedura dhe ata gjithashtu duhet ta prezantojnë programin e tyre përpara komisionit përkatës kuvendor.
“Dhe më tej do të kërkohet konfirmim prej shteteve në të cilat do t’i dërgojmë. Këtu ka një afat kohor, të cilën une e përmenda më herët, dhe dua edhe tani ta theksoj. Po afrohen zgjedhjet, më 3 janar vjen qeveria teknike, dhe shumë e rëndësishme është shpërndarja e kuvendit dhe mendoj se ajo do të ndodh më 11,12 prill. Pas asaj date nuk mundeni të punësoni, avanconi, qoftë nëpunës administrativ shtetëror, ose të dërgoni ambasadorë”, theksoi Pendarovski.
- LEXO: Diplomatët do të vlerësohen fshehtas me nota përshkruese – nga “spikatet” deri në “nuk kënaq”
- LEXO: Këto emra përfliten se do të emërohen ambasadorë të RMV-së
Ndryshe, dje Këshilli i Ambasadorëve ka dërguar vërejtje për Propozim Ligjin për punë të jashtme të RMV-së të propozuar dje nga Ministria e punëve të jashtme është se do të rritet më tepër dallimi mes kuadrove udhëheqëse në ministri në krahasim me numrin e kuadrove shërbyese administrative. Kjo sipas shoqatës, e bën Ministrinë e Punëve të Jashtme joefikase.
Këshilli i Ambasadorëve konsideron dhe është i bindur se kushti i domosdoshëm për krijimin e diplomacisë profesionale duhet të jetë që ambasadorët e ardhshëm të zgjidhen nëpërmjet konkursit të shpallur në MPJ dhe krijimin e ranglistave të kandidatëve të cilët kanë konkurruar dhe i kanë përmbushur kushtet dhe jo nëpërmjet hartimit të një liste nga ana e drejtorëve, sekretarit shtetit dhe shefave të kabineteve.
Këshilli i Ambasadorëve konsideron se emërimi i ambasadorëve (përveç NATO-s si nevojë emergjente) në kohën dhe kushtet kur partitë politike kanë hyrë thellë në fushatën parazgjedhore për zgjedhjet parlamentare nuk e shpie në rrugë të mbarë vendin dhe atij nuk i sjell asnjëfarë dobie por edhe më tepër i acaron relacionet ndërpartiake midis pozitës dhe partive në opozitë.