Meta: Video po përgatitet
Presidenti i Republikës, Ilir Meta thotë se është skandaloz presioni politik ndaj KED dhe anëtares së Gjykatës Kushtetuese, Vitore Tusha, transmeton OraNews.
Në një reagim në rrjetet sociale, kreu i shtetit thotë se garantët e krimit kushtetues po dalin vetë. Ndërsa paralajmëron se një video po përgatitet.
“I vetmi përgjegjës për aktet kriminale të militantit Ardian Dvorani është vetëm ai, përndryshe Katica jonë i Reformës në Drejtësi. Nuk ka Rilindje lokale dhe ndërkombëtare që e shpëton atë nga përgjegjësia e rëndë penale. Katica jonë bëri një akt shumë më të rëndë se vendosja e gjobës së një biznesmeni. Katica jonë donte të vidhte gjithë Gjykatën Kushtetuese të Shqipërisë. Provat po shtohen. Garantet e krimit kushtetues po dalin vetë. Video po përgatitet!”, shkruan Meta.