Libi, Asambleja miraton qeverinë e re
Asambleja Kombëtare e Libisë ka miratuar listën e re të ministrave të propozuar nga kryeministri Ali Zeidan.
Në të përfshihen edhe përfaqësues nga partitë liberale dhe islamike. Zeidan kishte paraqitur emrat e 30 anëtarëve ditën e martë, por miratimi u shty, pasi disa qindra protestues hynë në ndërtesë.
Ali Zeidan është kryeministri i dytë prej zgjedhjes së Asamblesë në muajin korrik.
Paraardhësi i tij, Mustafa Abushagar u shkarkua javë më parë, pasi lista për kabinetin e tij u kundërshtua nga Asambleja Kombëtare.
Zhvillimet në vend pasojnë rënien e diktatorit veteran të Libisë, Muammar Gadaffi, vitin e kaluar./portalb/