Sulmohen edhe tre tifozë serb në Shkup

Edhe trë tifozë serb janë sulmuar dhe lënduar vonë pasdite në Shkup, para ndeshjes së reprezentacioneve të Maqedonisë dhe Serbisë. Siç njofton portal Infoplus, njëri nga tifozët është më rëndë i sulmuar, pasi e kanë goditur më thikë dhe është ndaluar në Qendrën urgjente të Shkupit.

Sipas Sektorit të punëve të brendshme Shkup, një grup personash kanë sulmuar tre tifozët e Beogradit në afërsi të Qendrës tregtare “Most”. Sipas informacioneve jo të plota, njëri nga ata është sulmuar me thikë në shpinë. Policia po heton rastin.

Paraprakisht, rreth orës 13, në afërsi të qendrës Mavrovasja, shqiptarë të revoltuar nga fyerjet anti shqiptare kanë rrahur disa tifozë serb, të cilët që dje kishin paralajmëruar se do të vinin në Shkup për të rrahur shqiptarët./Portalb