Gjuriq: E rëndësishme që serbët në mënyrë unike të dalin në zgjedhjet e 6 tetorit
Drejtori i të ashtuquajturës Zyre Serbe për Kosovën, Marko Gjurq, tha sot se është e rëndësishme që serbët nga Kosova të mblidhen rreth Listës Serbe dhe të votojnë në mënyrë unike në zgjedhjet e 6 tetorit.
“Është shumë e rëndësishme që serbët në Kosovë të veprojnë në mënyrë unike ndaj shqiptarëve dhe ndaj të gjithë të tjerëve, dhe kjo është arsyeja pse Lista Serbe është një instrument i rëndësishëm i shtetit të Serbisë, Beogradit në bashkëpunim, komunikimit dhe luftës për të ndjekur interesat tona në Kosovë”, tha ai për RTS, transmeton Klan Kosova.
