Më 10 shtator Apple pritet të sjellë iPhone 11

Apple ka lansuar sot përditësimin e shtate beta për sistemin iOS13, dhe me këtë rast ka dhënë një kod përmes së cilit ka treguar se kur mund të prezantohet iPhone i ri, raporton GSMArena, transmeton Koha.

Një aset brenda kodit iOS 13 është imazhi që ju sjellim më poshtë, që tregon një pamje të iOS me datën 10 shtator, ditë e marte. Derisa emri i tij është “Mbajeni për lansim”, që shton spekulimet se kjo është dita kur Apple do të bëjë prezantimin e saj të madh, transmeton Koha.net.

Në vitin e kaluar, data në këtë aset ishte 12 shtator, që ishte pikërisht data kur Apple kishte prezantuar telefonët e saj të rinj.