Ndërroi jetë edhe personi i tretë në aksidentin në Kosovë
Tre persona kanë ndërruar jetë si pasojë e një aksidenti trafiku që ndodhi orët e pasdites në Rahovec.
Policia e Rajonit të Gjakovës e ka konfirmuar edhe vdekjen e personit të tretë. Viktimat janë dy meshkuj dhe një grua.
Si pasojë e këtij aksidenti trafiku në fshatin Bërnjak të Rahovecit, kanë mbetur edhe tre persona të tjerë të lënduar.
Lajmin për Klan Kosova e ka konfirmuar Lirie Podrimaj, zëdhënëse e Policisë për rajonin e Gjakovës.
