Rritet numri i e-shitoreve në Maqedoni, kujdes s’kanë politika privatësie

Monitoringu i pranisë së politikave për privatësi te e-shitoret, që u realizua në muajin shtator 2012 nga ekipi i fondacionit Metamorfozis, tregon rritje të numrit të e-shitoreve, por nga ana tjetër ka zvogëlim të përqindjes së politikave për privatësi në këtë sektor.

Hulumtimi tregoi se ka rritje të vazhdueshme të numrit të e-shitoreve, prej 81 në shkurt të vitit 2012, 131 në maj të vitit 2012, deri në 160 shtator të vitit 2012. Në shtator të vitit 2012, 59% e e-shitoreve aktive kanë publikuar politika për privatësi, që paraqet zvogëlim prej 3% në krahasim me gjendjen në maj të vitit 2012. /Portalb