Njohja patentave të shoferit me Kosovën, Kuvendi i RMV-së e ratifikoi marrëveshjen
Kuvendi i Republikës së Maqedonisë së Veriut (RMV) sot e ka ratifikuar marrëveshjen për njohjen reciproke të patentave të shoferit me Kosovën, transmeton Portalb.mk.
Përndryshe, ratifikimi i marrëveshjes vjen pasi që paraprakisht e njëjta mori dritë jeshile nga Qeveria e RMV-së.
Pas ratifikimit të marrëveshjes në Kuvendin e RMV-së, e njëjta do të duhet të miratohet edhe në Kuvendin e Kosovës.
Miratimi i këtij propozim-ligji vjen në vazhdën e marrëveshjeve të ngjashme që RMV-ja i ka nënshkruar me Spanjën, Italinë, Serbinë, Malin e Zi, Austrinë, Gjermaninë dhe shtetet të tjera.
LEXO: Njohja patentave të shoferit me Kosovën, Qeveria e RMV-së e miratoi propozim-ligjin