Tërmet prej 6,4 ballësh ka goditur Filipinet
Një tërmet me intensitet prej 6,4 ballësh sipas Rihterit ka goditur Filipinet, duke shkaktuar panik në mesin e popullatës, transmeton Anadolu Agency (AA).
Qendra Amerikane e Vrojtimeve Gjeologjike (USGS) njoftoi se epiqendra e tërmetit ka qenë në qytetin Gutad, rreth 100 kilometra në veri të kryeqytetit Manila.
Tërmeti, i cili ka ndodhur në thellësi prej 40 kilometrash, ka shkaktuar panik në mesin e popullatës ndërkohë që disa hotele dhe qendra tregtare në qytet janë evakuuar.
Autoritetet ende nuk kanë dhënë informacione për viktima të mundshme si pasojë e tërmetit.
