Sulmohet baza ku ndodhet Princi Harry

Talebanët kanë sulmuar bazën ushtarake të Camp Bastion, në provincën meridionale afgane të Helmand, vendndodhja e ISAF-it britanik, ku prej disa ditëve ndodhet Princi Harry.
Gjatë sulmit kanë mbetur të vrarë dy marinsa amerikanë. Bëhet e ditur se Princi britanik nuk ka qenë në rrezik për asnjë moment gjatë sulmit, sqaron NATO.

Zyrtarët e Shteteve të Bashkuara thonë se 16 luftëtarë talebanë po ashtu janë vrarë në kampin Bastion të provincës Helmand.

Mësohet se kryengritësit kanë përdorur mortaja, raketa-hedhëse si dhe armë të vogla zjarri.

Episodi i shtohet kërcënimeve të fundit të talebanëve në drejtim të Princit Harry, por ende nuk është e qartë nëse sulmi ka lidhje me protestat anembanë botës myslimane, të nxitura nga një film anti-islamik./Portalb