Haradinaj Stoltenbergit: Kosova mirënjohëse për mundësinë për të jetuar në paqe dhe liri
Kryeministri i Kosovës, Ramush Haradinaj, kujtoi fillimin e sulmeve ajrore të NATO-s kundër caqeve ushtarake e policore serbe, njofton Klan Kosova.
Përmes një postimi të bërë në “Twitter”, Haradinaj, tha se intervenimi i NATO-s dëshmoi veprimin e koordinuar ndërkombëtar në shërbim të paqes dhe drejtësisë.
“Intervenimi i NATO-s kundër kampanjës gjenocidale të Millosheviqit ushtruar ndaj popullit të Kosovës ishte kontribut vendimtar humanitar: dëshmoi veprim të koordinuar ndërkombëtar në shërbim të paqes, drejtësisë dhe normës së sistemit botëror”.
“Njerëzit e Kosovës gjithmonë do të riafirmojnë mirënjohjen e thellë për shpëtimin e mijëra jetëve dhe mundësinë për të jetuar në paqe dhe liri @jensstoltenberg #NATO #Kosovo”, ka shkruar Kryeminstri duke etiketuar Sekretarin e Përgjithshëm të NATO-s Jens Stoltenberg.
