Testime falas për HIV
Nën moton “Testohu. Shëro. Parandalo” ka filluar java evropiane e testimeve për HIV e cila do të zgjasë deri në fund të muajit, përcjell Portalb.mk. Testimi kryhet në qendrën rinore të Asociacionit për edukim shëndetësor dhe hulumtime HERA “Dua të di” që ndodhet në Vodno, ku do të bëhet testimi I sigurt, I besueshëm dhe këshillim për HIV me teste të shpejta edhe atë në periudhën nga ora 17.00 deri në orën 21.00.
HERA për të pestën radhë kyçet në shënimin e Javës Evropiane të testimit për HIV, ajo është një prej 600 organizatave nga 53 shtete që zbatojnë aktivitete për ngritjen e vetëdijes qytetare për përfitimet nga testimi në kohë.
