Tensione midis Arabisë Saudite dhe Kanadasë për shkak të aktivistëve të arrestuar

Arabia Saudite e urdhëroi ambasadorin kanadez në afat prej 24 orëve ta braktis shtetin dhe paralajmëroi se do t’i pezullojë të gjitha marrëveshjet e reja të tregtisë dhe investimeve me Kanadanë pasi Ministria për Punë të Jashtme e Kanadasë i bëri thirrje Riadit t’i lirojë aktivistët e arrestuar për të drejtat e njeriut.

Ministria e Punëve të Jashtme e Arabisë Saudite kumtoi se njëkohësisht është revokuar ambasadori i tyre në Kanada.

Ministria saudite deklaroi se MPJ kanadeze dhe ambasada kanadeze ju kanë bërë thirrje autoriteteve saudite “pa asnjë vonesë t’i lirojnë” aktivistët.