Johnny Depp divorcohet nga Vanessa Paradis

Johnny Depp dhe Vanessa Paradis janë ndarë pas 14 vitesh bashkë. Një zëdhënës i aktorit tha se ata janë ndarë në mënyrë miqësore dhe shtoi se mediat duhet të respektojnë privacinë e tyre dhe të fëmijëve të çiftit.

Depp dhe Paradis, që kanë dy fëmijë, një vajzë dhe një djalë, nuk janë parë në publik që nga viti 2010, por së fundmi kishin hedhur poshtë zërat për ndarjen e tyre, që po qarkullonin që prej janarit të këtij viti.

Marrëdhënia e tyre ishte në telashe prej disa muajsh dhe së fundmi thuhej se Depp ishte lidhur me aktoren biseksuale Amber Heard.

Depp, 48 vjeç, dhe Vanessa, 39 u lidhën së bashku në vitin 1998.

Paradis u shfaq në gjendje shumë të keqe kohët e fundit gjatë xhirimeve të një filmi. /Portalb