“Spiderman-i francez” nis zyrtarisht punën

Një emigrant nga Mali u kthye në hero më 28 maj në Francë, pasi ngjiti pa asnjë lloj mbrojtjeje 4 kate të një ndërtese të Parisit për të shpëtuar një fëmijë që ishte duke rënë nga ballkoni, transmeton Top Channel. 

Mamoudou Gassama u prit në atë kohë nga Presidenti Macron në Pallatin “Elize”, ku e falënderoi personalisht. Prej gjestit të tij spontan, emigranti mori nënshtetësinë franceze, por edhe një punë.

Ditën e sotme 22 vjeçari ka pasur ditën e tij të parë të punës në repartin e zjarrfikësve të Parisit.

Reparti i zjarrikësve njoftoi se 24 persona të rinj janë bërë pjesë e tyre dhe mes të cilëve është edhe emigranti nga Mali, i njohur tëashmë si “Spiderman”.

Paris, emigranti hero, bëhet ‘Spiderman’ dhe shpëton fëmijën që ishte varur në ballkon (VIDEO)