Arifi: Kosova nuk do t’i japë asnjë metër nga toka e saj Serbisë
Shefi i grupit negociator të Kosovës në dialogun mes Prishtinës dhe Beogradit, Avni Arifi, porositi se sovraniteti dhe integriteti territorial i Kosovës nuk mund të preken nga askush dhe në asnjë rast, lajmëron korrespondenti i MIA-s nga Prishtina.
„Asnjë metër të tokës së Kosovës për asnjë çmim!!!! E urryeshme është ngrirja e konfliktit, e urryeshme është pasiguria dhe gjendja ekzistuese, por asnjëra nuk e meriton dhe nuk e merr kurrë as një metër të Kosovës. Sovraniteti dhe territori i Kosovës nuk cenohet nga askush për asnjë çmim. As tash as kurrë„, ka shkruar ai në Facebook.
Ky reagim i Arifit vjen pas deklaratës së presidentit serb, Aleksandar Vuçiq, i cili tha se „edhe nëse vetëm një metër të Kosovës e kthejmë, do të konsiderohej fitore„.
„Edhe nëse vetëm një metër nga ajo që të gjithë kanë humbur, është fitore, sepse sot nuk kemi asgjë„, ka thënë Vuçiq duke iu referuar Kosovës
