Serbia akuzon përsëri Kosovën se nuk po bashkëpunon për rastin Ivanoviq
Drejtori i të ashtuquajturës zyrës për Kosovën në Qeverinë e Serbisë, Marko Gjuriq ka folur edhe një herë për ecurinë e hetimeve mbi vrasjen e liderit të SDP-së në Mitrovicën e Veriut, Oliver Ivanoviq.
“Në qoftë se autoritetet e Prishtinës do të bashkëpunonin në hetimet rreth vrasjes së Ivanoviqit, rezultatet me siguri se do të ishin ndryshe dhe do të kishim ndonjë epilog”, është shprehur Gjuriq.
E pranishme në vendin ku foli Gjuriq ishte edhe bashkëshortja e liderit të SDP-së, Milena Ivanoviq, e cila edhe pse nuk foli zyrtarisht për hetimet rredh vrasjes, në një bisedë jo formale me televizionin “N1”, tha se informacionet e fundit mbi këto hetime i ka marrë vetëm nga udhët jozyrtare.
Ajo po ashtu shtoi se nuk do të publikojë informacionet që asaj i vijnë, dhe lidhur me këtë çështje do të flasë kur të vijë koha.