Hawaii, 9.900 tërmete në një muaj

Vetëm në një muaj Hawaii është tronditur nga 9.900 tërmete, transmeton Anadolu Agency (AA).

Sipas lajmit të CNN, në një deklaratë nga Qendra e Studimit Gjeologjik të SHBA (USGS), thuhet se që pas aktivizimit të vullkanit Kilauea në Hawaii të SHBA-ve që para një muaji e deri tani në rajon janë regjistruar 9.900 tërmete.

Tërmeti më i madh me fuqi 6.9 ballë u regjistrua më 4 maj, ku dhe në po të njëjtën ditë kaloi në veprim vullkani Kilauea i cili ende vazhdon të lëshojë hi dhe lavë.

Vullkani Kilauea deri më tani me lavën e tij ka shndërruar në hi 117 shtëpi që kur u aktivizua një muaj më parë. Pas aktivizimit të vullkanit mijëra persona u evakuuan nga rajoni Puna.

Theksohet se lava e nxjerrë nga vullkani Kilauea është shpërndarë në një sipërfaqe prej gjithsej 20 kilometrash katrorë.

Në vullkanin Kilauea, një nga vullkanet më aktivë në botë, ndodhin shpërthime që nga viti 1983.