Kryeministri Haradinaj flet për termocentralin “Kosova e Re”
Kryeministri i vendit, Ramush Haradinaj, në seancën e sotme të kuvendit pati polemika me shefin e grupit parlamentar të PSD-së, Dardan Sejdiu, lidhur me importin e qymyrit si dhe rreth termocentralit “Kosova e Re”, transmeton Gazeta Blic.
“Qymyri qysh e përdor sot A-ja dhe B-ja është qysh e ka fal zoti, ju i dini se sa shumë qymyr humbet, ndryshe thanë ne atë qymyr e aftësojmë për përdorim. Nëse Kosova nuk donë me investu në minierë të vet, ka investitor që vijnë e marrin dhe e ndërtojnë, mirëpo Kosova është e interesuar me qenë pronar në minierë të vet”, u shpreh Haradinaj.
Ai shtoi se ZRRE-ja nuk mund të parashikojë çmimet e qymyrit nga vendet evropiane sepse kjo është diçka që ndryshon vazhdimisht.
“Po flet për çmime të importit, nuk mendoj që ZRRE-ja jonë është aq e meqme që me na tregu neve çmimet energjisë në tregun evropian, sepse ato varen nga reshjet atmosferike dhe rrethana tjera”, shtoi Haradinaj.
Haradinaj foli edhe për Termocentralin “Kosova e Re”, për të cilin tha se ndërtimi i tij do t’i sigurojë Kosovës stabilitet energjetik.
“Unë e kuptoj që kjo nuk është një marrëdhënie e lehtë, ka implikimet e veta, mirëpo qëndron fakti që ky projekt krijon stabilitet energjetik”, përfundoi Haradinaj.
